فيه أمل

(( إنه لا ييئس من روح الله إلا القوم الكافرون ))


سورة يوسف


و الله فيه أمل

و ربنا فيه أمل

ما تعيطش يا غالى

امسحى دموعك يا غالية

لسه الشمس بتطلع

و ربنا فوق كل شيئ و قادر على كل شيئ

الحياة مش هيبقى ليها طعم من غير ما يحصل كوارث و مصايب

لازم تنداس و يتعلم عليك قبل ما تشوف الأيام الحلوة

اصل لو حياتك كلها حلوة علطول كدا خلاص يبقى انت فى الجنة

اصبر :)

بكرة تفتكر الأيام دى و تضحك

تضحك من قلبك و تشوف انت كنت ساذج قد ايه على حاجة هايفة زى اللى كنت بتعيط عليها

العالم ما انتهاش مهما كان اللى حصللك

تفتكر بعد عشرين سنة هتفتكر ان من عشرييييييييين سنة انك سقطت سنة ولا حبيبتك سابتك ولا ابوك اتخانق معاك ولا ولا ولا

يا عمى الدنيا ما بتقفش

الا لو انت وقفتها

و صدقنى

لسه فيه أمل